NGARAKSA DIRI
Tingkoceak maratan jagat,
ngajerit maratan langit,
tingsareblak kana galagat
lalampahan sajeroning di alam jagat
nitip diri jalan ridhona Ilahi
ngaraksa diri nu haqiqi
lungsur tina ati sanubari nu suci
natrasna ngacas herang ngalampahkeun jalana sorgawi
yaa alloh yaa robbi
ngaraksa diri ngarah kaharti
ngalalakon ngajalani kahirupan jeung kahuripan
pribadina sewang-sewangan jadi konci kabagjaan
Kalayan aya dina jalan yaaa robbi
Amiiin
### Dinten Jum’at di sakola
_____________
KURUNG KURING
Hirup ayana dina kuring
Kuring kudu dikurungan
Bakal katingali jelas kuring
Kuring bakal lepas tina kurung
Adat ka kurung ku igana kuring
Kuring ka kurung ku nyawanya
Kurung bakal bilatungan
Kuring bakal balitungan
### deas74#20230515
***
Deden Efendi, Kepala SDN 1 Cileungsir, Kecamatan Rancah, Kabupaten Ciamis. Kini tinggal di Dusun Cibeureum RT04/RW18, Desa Rancah, Kecamatan Rancah, Kabupaten Ciamis.
