Cicing di Tepis Wiring
Nya di dieu...kuring cicing Di tepis wiring nu lungkawing.. Raga nyangsaya... Hareupeun leuweung larangan anu ngabelegbeg poek mongkleng..geueuman matak kukurayeun.. Ngan ..kumaha.. Teu bisa ingkah teu bisa ngejat... Ka jauhna... Ku geus dibeungkeut.. Dibakutet.. Ku tatali Kalam Ilahi Robbi... Teu bisa kumaha.. Kudu tunduk.... Kudu tumut Sangkan teu tigurawil... Tibeubeut kana lengkob lengkob durujana Duuuh Kahayang mah..ngejat Ngajaul ka alak paul... Ngadon bubuara.. Rek ngadon nyirna dina umpak umpak mega.. Rek nyumput dina kulawuna.. Ku hayang ngampar dina lambar lambar ipisna.. Ngarah katenjo mun aya anu gegeleberan Meberkeun jangjangna ka deukeutna... Ku moal asa asa...rek diiwat..... sangkan manuk teu jongjon gegeleberan. Rek disumputkeun Dibunian.. Diranggeum.. Ku rema rema katresna.... Diiuhan ku papayung rasaning agung. Duuh Hanjakal.. Ku....pamohalan Bisa kahontal Bisa kadongkang Ukur bayangan Bayangan... dina ...rasa Nu siga aya... Siga nyata.. Padahal Ngan ukur..... ......................
***
Dra. Tiktik Kartika,M.M, Praktisi Pendidikan Kabupaten Bandung Barat, Purna Bakti Guru Basa Sunda.
Panuhun kanggo Pun Adi Rekan Saperjoangan, Yati Sapta Apriyati, S.Pd.M.M, salaku Penggagas anu maparin ide kana ngawujudna ieu karya.
