Jalan Satapak nu Kungsi Katincak
Geus lila jalan anu disorang…..
Dina lahan saamparan…….
Geus cacap kaubek ka suklakna….. kasiklukna……
Lidig balas digiridig…….
Tapiii geuniiing… panon teh lolong bonconong,
Aya jalan satapak nu tacan katincak Aya laratan anu tacan ka gurat.. Aya tanah nu tacan kaambah.
Di dinya.. ligar malati,..seungitna ngadalingding nyambuaang angin anginan.. Naha teu kaangseu……
Naha teu kaambung teu kapalire…
Boro boro dipetikna….. tonggoy.. jongjon dina udagan Tungkul katincakeun Tanggah kana sadapan.
Kakara kapanggih… dina mangsa anu geus laas…….
Horeng jalan geus katutupan… ku pajuriwetna areuy, Karungkup ku rembetna kakayon… Katingker ku haur gereng…
Dipager ku cucuk rungkang…
Nya kumaha rek ngadongkang…. Nya kamana atuh ngalengkah… Muga ulaah peunggas pangharepan.
Awal Agust, 2021, haturan Jeng
***
Dra. Tiktik Kartika,M.M, Praktisi Pendidikan Kabupaten Bandung Barat, Purna Bakti Guru Basa Sunda.
